Shillong, Lber 21: Ka myntri pynroi sor ka kong Ampareen Lyngdoh mynta ka sngi da lade kala leit ban ia kynduh ia ki paidbah jong ka Mawlai ha Indoor Stadium kaba don ha Mawlai Mawdatbaki.
Ha kane ka sngi na ka liang jong ka myntri kala pynpaw ia ka jingsngew khia ia kaei kaba ka la kren bad ka pynpaw ia ka jingsngewsih ka jong ka ha kaba ia dei bad ka jingkynthoh.
Na ka liang jong ka myntri ha kane ka jingiakynduh lang ia ki paidbah kala pynpaw ruh ia ka jingkkloi ka jong ka ban ia treilang na ka bynta ban kyntiew ia ka roi ka par ha kane ka thain Mawlai baroh kawei.
Na ka liang jong u Bah Embhah Syiemlieh u ba dei u MLA jong kane ka jaka u ba la wanrah ia kane ka jingiakren halor ka jingkynthoh jong ka Myntri ia ka Mawlai ban ong ba ka dei ka “slum area”, na ka liang ka jong u ruh u la pynpaw ia ka jingsngewkhia ia kaba kaba la jia ha kine ki sngi.
U la ong ba kum kine ki jingjia ki juh jia bad kane ka long na ka bynta ka jingbha, u la ong ba nangne sha khmat kan dang don ka jingiatreilang bad ka myntri kam pynroi sor ban ia kren na ka bynta ki kam pynroi hapoh ka shnong Mawlai.
Ha kane ka sngi u MDC jong kane ka jaka u Bah Process T Sawkmie ruh u la ia don lang. Ha kane ka jingiakynduh hapdeng ka myntri bad ki paidbah ki Mawlai na ka liang jong ki paidbah da ki spah ngut ki briew kila ia poi ban ia sngap bad ban ia map markylliang.(SP News)
