Shillong, Nohprah 04: U secretary ka tnad rep mynta ka sngi u la pynbna paidbah ba ka sorkar kala dep ban pynmih ia ka jingpynbna sorkar mynta ka sngi ba ka saw tarik jong u Nohprah kan long ka sngi jong ki nongrep ha ka jylla Meghalaya. Ia kane ka jingpynbna sorkar la pynmih mynta ka sngi lyngba ka tnad ka rep ka riang jong ka sorkar jylla.
Na ka liang jong u president ka seng ki nongrep ka Hills Farmers Union (HFU) u bah Commander Shangpliang u la ai khublei ia kane ka sorkar MDA kaba la pynmih ia kane ka jingpynbnna ba ka saw tarik nohprah kan long ka sngi burom jong ki nongrep ha ka jylla.
U bah Shangpliang u la ong ba dei ban burom kyrpang ia ki nongrep namar ki dei ki nongrep kiba pynbiang ia ka bam ka dih, ka long kaba ma namar kumba ka long mynta bun na ki nongrep kila iehnoh ia ka rep bad ki ia beh noh sha ka bylla sngi kane ka long ka jingma kaba khraw.
Na ka liang jong u nongialam ka seng ki nongrep HFU u la ong ba kum ka seng ka kyntu ia ka sorkar ba kan kham mang bun ka pisa ia ki tnad sorkar ba dei bad ki nongrep kum ka tnad Irrigation, Water Resources, ka tnad ri mrad namar kine ki dei bad ki nongrep.
Na ka liang jong ka seng ki Nongrep kila pynkhreh la shai ka sngi kin rakhe ia ka sngi ki nongrep ha ka jylla kumba ki long pynbna shisnem mynshuwa bad ka long kaei kaei kaba sngew tynnad ba ka sorkar mynta ka sngi kala pynmih ia kane ka jingpynbna sorkar.
