Pynmih ka sorkar ia ki jingbthah ban bud ha kaba ia dei bad ka jinglehniam Puja

Shillong, Nailur 26: Ka sorkar Meghalaya kala pynmih ia ki jingbthah ha kaba ia dei bad ka jinglehkmen Puja ban sa wan ban lait na ka jingsaphriang ka jingpang COVID-19 bad ia kine ki jingbthah ia pynkhreh ryngkat ka jingiamir jingmut lan gbad ka Central Puja Committee.

La bthah ia baroh kito kiba la 65 snem shaneng, kiba don jingshitom bad ki khynnah la bthah ba kin shong ha iing, la kyntu ba dei tang kito kiba la dep ban ai Tika ar sien kin ia shim bynta ha kane ka jingleh niam puja, na ka bynta ka jingbit jingbiang jong baroh la bthah ia kiba pyndep ia ka niam ka rukom bad ki nongiarap ban ai Tika.

La bthah ia baroh ba kin but ryntih ia ka jingpyniajngai iwei na iwei, la bthah ba kin deng ia ki jingda khmut, ba kin sait ia ki kti haba don ka lat man ka por, ia ka koit ka khiah dei ban long kiba phikar bad lada don kano kano ka jingsngew dei ban leit phah peit ha ki jaka ai jingsumar.La khang pyrshah ban biah pathar ha ki jaka paidbah bad la kyntu ban buh ia ka Setu App ia baroh.

Ban shna ia ki Puja Pandal, la bthah ia baroh ba kin da pyntip sha ki deputy Commissioner bad ki SDO jong ki jaka kaba ki don, ia ki pandal yn shah ban shna ia ki katkum ka jingdon kam ki Puja Kommittee, hynrei ha ki surok jong ka PWD la khang ban shna pandal, ka jingshna ia ki pandal kan long katkum ka jingantad ba kin wan ki briew ban wan jngoh.

Ka jingshna ia ki pandal ka dei ban long ha kata ka rukom ba dei ban ioh lyer ha karukom kaba biang, ia ki temple kiba la don lypa dei ban long kumba ki don, haba shna ia ki Pandal dei ban don ki jaka rung bad jaka mih, la khang ban shna ia ki khyrdop ha ki surok.

Dei ban buh ia ki CCTV ha baroh ki jaka ba don ki pandal, ha ki jaka ba shna ia ki pandal ki dei ban don ki jaka sait kti, ki dei ban don ki jaka ai jingsumar, dei ban biang ka jingshai da kaba buh ia ki light ha ki lynti iaid.

La bthah ia baroh ki Puja kommittee ba kin pynhreh ia ki plan jong ki ban pynthikna ba kam dei ban don ka jingialum briew slem ha ki jaka mane blei, ki dei ban don ki jaka rung jaka mih la ka jong bad ka jingrung ki briew kam dei ban palat ia ka 50% na ka jingheh ka jaka.

Kila don ruh kiwei kiwei ki jingbthah na ka bynta ban pyniaid peit iaid ryntih ia ka jingleh kmen puja bad la bthah ia ki District Health and Medical Officer bad kin don ia ki Sector officer bad ha ka juh ka por ba kin ia don ka jingiakynduhlang bad ki nongpyniaid ia ki pandal.

Haba ia dei bad ka jingbuh ia ki durmot jong ki blei ka Puja kommittee kala pynsngew ba ka jinglehniam kan long katkum ka Hindu Alamanac, ki durmot jong ki blei kim dei ban tam ia ka san phut bad ym dei ban shah ia ki briew ba kin ktah da kti, ia ka jingleh niam puja ym buh kyndon da ki nongpyniaid.

Ha ka jinglehniam yn nym shah ban shong, ia ka jingsam ia ki Prasad ha ka jinglehniam dei ban sam tang sa kiba la shong kyrpang, yn nym shah ban sam ia ki jingbam ba shet, hynrei lah ban shah ia ki jingbam tang ia kiba la song.

Ha ka sngi bret blei, ki Puja Kommittee ki dei ban ia pynbeit bad ki Deputy Commissioner, ki SDO, kan nym don ka jingiaid kjat ha ka por ba leit ban bret blei, la shah tang 20ngut ban leit bret blei na kawei ka puja pandal, nalor kiwei ki kyndon bala buh, ka jingpyngam ia ki blei dei ban pyndep hapoh ka 4:00 baje noh phai sngi. Ia ki jaka bal eh niam dei ban leh khuid.

Ha ka 13th Risaw 2021 ba dei ka sngi lehniah ia ka Sandhi Puja la shah ban pynlong ia ka jingtie bam naduh ka por 10:00 baje mynmeit haduh ka por 12:30 baje mynstep bad ha pdeng katei ka por kan don ka jingtem ia ki drum ba tang khyndait minit.

Baroh ki jinglehniam puja dei ban pynkut noh hapoh ka por 10:00 baje mynmiet, hapdeng kane ka jinglehniam puja la khang ban pynlong ia ki jingialehkai, la bthah ban but ia baroh ki kyndon kiba la buh da ka sorkar, kane ka long katkum ka jingpynbna kaba la pynmih da u Chief Secretary jong ka jylla u M.S Rao.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet