Shillong, Risaw 02: U bah P. T Sawkmie u ba dei u MLA barim ka Mawlai Constituency kumjuh ruh u badei ruh u nongialam ka United Democratic Party, ula pynpaw ba u long ba la kloi ban iakhun ia ka elekshon MP Lok Sabha 2024 lada ka Party ka ibit.
U bah P T Sawkmie u la ong ba haduh mynta ka Party kam pat shim rai haba iadei bad ki kyrtong iakhun iaka MP Lok Sabha 2024 na Shillong Parliamentary Seat hynrei kum uwei nongmihkhmat ba la ih bha haka sain hima, u long ba la kloi ban iakhun lada ka UDP ka ibit.
U bah P. T Sawkmie ula kam ba ula don palat 30 snem haka kam sain pyrthei ban shakri iaki paitbah bad lada u shah jied ban long MP. kan nang plie lad shuh shuh ban nang shakri iaka Meghalaya baroh kawei.
Shuh shuh u la ong, Lada ka UDP ka ibit ia u, u long ba la pynkhreh ban iakhun ia ka MP Lok Sabha ilekshon 2024 na Shillong Parliamentary Seat hynrei ia kane ka rai yn shim hadien ka jingialang jong ka Party ban iakren halor katei ka phang.
