Shillong, Lber 04: U Lamphang ka iing dorbar thawain ka jylla u bah Metbah Lyngdoh u la pynpaw ia ka jingsngewsih halor ka jingkhlad kyndit u Dr Azad Zaman MLA ka Rajabala konstitwensi.
Ha ka khubor sngewlem bala phah da u Lamphang ka iing dorbar la ong ba ia u Dr Azad Zaman yn iai kynmaw ia ka jinglen lade jong u ban aiti ban trei na ka bynta ki paidbah.
U Dr Zaman u long u briew ba don shibun ki jingtip bad u iashim bynta bhai ha ki jingiatai hapoh ka iing dorbar, na liang u Lamphang u phah ia kane ka khubor sngewlem sha kiba ha iing ha sem kiba mad ia kane ka jingsngewsih, duwai ba ka mynsiem kan ioh ia ka jingjahthait bymjukut.
