Pynphai ka KSU ia ki 7 tylli ki kali ba wan ki nongbylla ha jaka ba tei ia ka Meghalaya Assembly

Shillong, Jymmang 19: Mynta ka sngi ka KSU Shillong Mihngi Circle ka la ioh jingtip ba don ki briew kiba nabar jylla kiba iaid kynhun bad mar mar ki dkhot ki la leit wad ban iohi hi da la ki jong ki khmat bad ka la pynshaiong ngain ia baroh namar la ioh bat haduh 7 tylli ki kali kiba kit ia kitei ki bar jylla hajan NEIGRIHMS.

Halor Kane ki dkhot ka Ksu kila kylli byrthew la tip ba kitei ki bar jylla la wan kit na shabar ban leit trei ha ka iing thymmai jong ka Meghalaya Assembly kaba don ha Mawdiangdiang. Mar mar ka KSU Shillong Mihngi Circle ka la phah noh ia ki ba kin leit phai na ki jaka ba ki wan.

Kane ka jingwan rung ki bar jylla haduh 7 kali ka dei kaba ki paidbah kin hap buh jingkylli ia ka sorkar kumno ki nongtrei ha khyrdop Entry point ha Umling ki treikam haba haduh kattei kali ki bar jylla ki ioh rung beaiñ.

Shuh shuh sa ha kum kane ka khlam ka ngoh ha kaba baroh ki paidbah kim iaid shaei shaei ruh ban shong khop ha iing katkum ki kyndon ka sorkar, kumno kitei ki briew ba nabar ki ioh ban iaid sahuh? Mano ban bah khlieh lada kitei ki bar jylla ki dei ki nongwanrah ia u khniang corona?

Ka KSU Shillong Mihngi Circle kan iai peit pyrman na ka por sha ka por ia ka jingwanrung tuh ki ki bar jylla wat lyngba ka Entry Point kaba don ha Umling.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet