Shillong, Lber 13: Ka seng JSU hadien ba lah ioh iaka khubor ba naka liang u Himanta Biswa Sarma u Myntri Rangbah ka Assam hapoh ing Dorbar Thaw aiñ ka Assam u lah ong ba ka shnong Mukroh ka hap hapoh Assam.
Ka JSU ka ong ba kane ka jingkren jong u Myntri Rangbah ka Assam ka lah pynbitar ia ka seng bad khamatam iaki nongshong shnong ka shnong Mukroh bad ki pait ka bri u Hynñiewtrep hi baroh kawei.
Ka seng ka lah phah iaka kyrwoh sha u Myntri Rangbah ka jylla ban iakren bad u Himanta u Myntri Rangbah ka jylla Assam ba umdei ban kren laplah kumne da kaba kam ei iaki shnong bad ki jaka kaba hapoh Meghalaya ki ba don ha khap pud bad ka Assam.
Ka seng ka lah ruh ba kane ka jingkren u MR ka Asaam ka lah nang ai ding shuh shuh bad kan sa warah iaka jingiapher jaitbynriew sah shisien hapdeng ki nong Assam bad ka jylla Meghalaya.
Ka seng ka phah ruh iaka kyrwoh kaba shai kdar sha u MR ka Assam ba u dei ban tih jylliew shuwa ban tip iaka jibgshisha ba kine ki jaka ki hap shaei ka jylla ha shuwa ban un kren hapoh ka ing Dorbar thaw aiñ ka Assam namar ka jingkam ei ka jong u iaki jaka kiba don hapoh u pud u sam ka jylla Meghalaya kan ialam bakla ia kiwei pat ki nongmih khmat kiba don lang hapoh ka ing Dorbar thawaiñ ka Assam.
ka seng ka lah ong ruh ba u Himanta Biswa Sarma u dei ban tip shai ba ka shnong Mukroh ka hap hapoh ka jingpeit jingkhmied ka JHADC bad iaka synshar khadar ruh lah ioh bor na ka JHADC ym kum ba kam u MR ka Assam ba katei ka jaka ka hap hapoh West Karbi Anglong District.
