Pynrem ka FKJGP  ha ka jingjia ha Mon district, Nagaland dawa ban weng mardor ïa ka AFSPA

Shillong, Nohprah 07: Ka seng Federation of Khasi Jaiñtia & Garo People (FKJGP) kala Pynrem ha kaba iadei bad  ka jingjia ba jia hynne ka sngi U Blei ha Mon District , Nagaland hadien ba 13 ngut ki riew paidbah kila kyllon ïap ha ki ktang suloi jong ki shipai ka Assam Rifles kiba khynra kaikhlaw bad la dawa ban weng mardor ia ka ain ASFPS.

Da kane ka ain ka sorkar india ka la ai bor ha ki shipai ban khynra lehnoh bad kaba sngewsih ka long ba ka jingjia ka la ktah pynban ia ki riewpaidbah kiba lui lui kiba wan na ka jaka  trei ia kaba Kim shem la poi pyrkhat ba kin duh noh ia la ki jingim ha ki ktang suloi Jong ki shipai Assam rifle.

Ka FKJGP ka phah ia ka jingsngewlem sha ki bahaiing hasem jong ki briew kiba la duh noh ia ka mynsiem kaba kordor ka jong ki. “Ngi sngewsih ïa kum kane ka jingjia bad ngi pynrem jur ïa ka jingdkhat jubor jong ki bor ka Aiñ ïa ki mynsiem briew ba lui lui” ong u Bah Eldie.

ka FKJGP ka ai ka jingiaroh ïa ka jing long kawei bad jingiatylli jong ki Jaidbynriew Naga ban ieng ïakhun ïa ka hok jong ki parapoh parasnam kiba shah iuhroit ha ki bor ka aiñ.

“Ngi da iaroh shisha ïa ka jinglong kawei bad jingiatylli jong ki Jaidbynriew Naga ki bym salia ban ïakhun na ka bynta ban pynïoh ïa ka jingbishar kaba hok ïala ki jong ki paradoh parasnam kiba kyllon ïap ha ki ktang suloi ki bor ka aiñ “ong u Bah Eldie Newton Lyngdoh, Vice President ka FKJGP Sengkmie.

Kat kum ka khubor, kine ki briew ba kyllon ïap ki dei ki Nongtrei bylla sngi kiba dang wan phai ïing na ki jingbylla tih dewiong.

Ki shipai Assam Rifles kila pynlong ïa ka jingkhynra ïa ki kaikhlaw NSCN(K) ha kane ka jaka bad haba ïohi ïa ka Pickup Van ba shong kine ki Nongbylla, kila shu synreit kuli naphang haduh ba 13 ngut kila ïap hashen.

U Bah Eldie u pyntip ba ka FKJGP kan sa rah ïakren ïa kane ka kam hapoh ka North East Indigeneous Peoples Forum (NEIPF) ban iatai bad shim ïa ka rai kaba donkam ban iada ïa ki lui lui na ka jingiuhroit ki bor ka aiñ.

Ha kajuh ka por, u ong ba ka FKJGP ka dawa ïa ka Sorkar Pdeng ba ka dei ban weng noh ïa ka jingpyntreikam ïa ka Armed Forces Special Powers Act (AFSPA), 1958  ym tang ha Nagaland hynrei ha ki Jylla ka thaiñ Shatei Lam Mihngi.

U Bah Eldie ula ong ba ka jingdon ka AFSPA kala aibor ia ki shipai ban leh hala ka mon bad dei kane kaba la wan lam sha ka jingshah siat iap khlem daw ki riew paidbah, kaba jia ha Mon District.

Une u Nongialam ka FKJGP ula ong ba ka jingdawa weng noh ia ka AFSPA ka dei kaba la slem bha bad mynta kala dei ka por ia ka Sorkar India ban weng noh shisyndon ia kane ka aiñ na ka thaiñ lam mihngi baroh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet