Shillong, Jylliew 17: U shongknor ka seng Rongmei Phwam Shillong u bah K. Namgadai bad u Dr. Dr. Gaithoiliu Phaomei General Secretary ka seng mynta ka sngi kila pynrem jur ia u bh Enrysing Marbaniang 31 snem ba ha kaba la kynnoh ba u la leh ia ka kam beijot ia kawei ka khynnah ha iing sah ha Thadlaskein west Jaintia Hills District.
Kitei ki nongialam ka seng kila ong ba u tei u riew sniew u la leh ia kane ka kam runar ha ka por jan miet ha ka 15/6/2023 ha ka por ba katei ka khynnah ka don ha iing marwei, ym dei tang ba u la leh ia kane ka kam beijot hynrei u la shoh la dat ia katei ka khynnah kaba ka khmat shiliang kala mynsaw bad mynta ka don ha pdeng ka jingshitom.
Ia kane ka khynnah la pynkit sha Civil Hospital bad la rah sha NEIGRIHMS namar ka jingjur palat ka jingshitom jong ka, ka seng ka dawa ba dei ban pynshitom ia u tei u riew sniew katkum ka ain bad kum ka seng ka ai khublei kyrpang ia ki pulit kiba la kem mar dor ia u tei u riew sniew.
