Shillong, Kyllalyngkot 07: Ka kommittee ka tnad ka koit ka khiah ka “Health Expert Committee” ka tnad ka koit ka khiah ka sorkar Meghalaya kala khot ia ka jingialang mynta ka sngi 7/01/2025 ia kaba la pyniaid da u Principal Secretary ka tnad ka koit ka khiah ka jylla.
Ha kane ka jingialang ka long ban ia kren halor ka jingpang Human Metapneumovirus (HMPV) kiba la pyniha ki lat pathai khubor kiba bun, ka jingialang kala ia kren ia ka jingma bad ban ia kren ia ki lat jingiada.
Ha katei ka jingialang kila ia kren ba ka jingpang HMPV kam dei ka jingpang kaba thymmai, la lap ia kane ka jingpang ha ki briew naduh u snem 2001, ha u bnai Nohprah 2024 la pynthikna 9 ngut kiba ioh ia kane ka jingpang na ki 714 ngut kiba suba ba ki ioh ia kane ka jingpang bad kam shym don ruh kano kano ka jingjia kaba sngewsih.
Kane ka jingpang ka long kum ka jingpang shit, suh khriat, Jyrhoh, sad ryndang, tuid ummut, ka jingpang kam dei kaba ktah jur bad haduh mynta kam pat don kano kano ka jingpyntip ba khlad na kane ka jingangHMPV. Kane ka jingpang mynta ka iaid ryngkat ka por bad kam don kata ka jingma na kane ka jingpang ka ban pynsyier.
La bthah ia ki paidbah ba kin leh khuid da kaba deng jingda khmut bad sait khuid ia ki kti lada ki sngewthuh ba ki don ka jingshit met, kane kam iada na ka jingktah ia ki khynnah kiba hapoh 14 snem bad ia ki riew tynmen kiba la noh ka rta.
Lada don kiba don ia ki dak ki shien jong kitei ki jingpang kim dei ban buh teng ki dei ban leit sha ki jaka ai jingsumar ban ioh ia ki jingsumar, ka Integrated Diseases Surveillance Programme kan long kaba peitngot na ka bynta ka jingkoit jingkhiah jongki briew, ka tand ka koit ka khiah ka jylla Meghalaya kala don ia baroh ki lat jingiada.
