Tura, Lber 28: U myntri rangbah ka jylla Meghalaya u Dr Mukul Sangma haba pynshai ia ka jingdawa jong ka seng lehnoh GNLA u la ong ba ka sorkar ka la dep phah ia ki kyrteng sha ka sorkar pdeng kumba la aida katei ka seng na ka bynta ban ia kren ia suk.
Kane ka jingpynshai na ka liang jong u myntri rangbah ka long halor ka jingmaham ka seng GNLA ia ka seng Congress lada ka sorkar kam pynshai paidbah ia ka ki kyrteng jong ki ksiang kiba la phah sha ka tand kam poh iing jong ka sorkar pdeng, lem kumta kin nym shah ba ialap election ia ka seng Congress ha Garo Hills.
Haba ia dei bad katei ka phang na ka liang jong u Dr Mukul u la ong ba ka sorkar kam juh thok haba kala dep phah ia ki kyrteng ba kin long ki ksiang, kaba sah mynta ka long ba ki ap ia ka jingai jingbit na ka sorkar pdeng namar ka sorkar ka kwah ia ka jingsuk.
Kumba ka long mynta katei ka seng lehnoh ka ong ba ka sorkar ka pynbiej kai ia ki paidbah da kaba ai ia ki kular kiba khlem long kam, na ka liang jong u myntri rangbah u la ban jur ba la dep phah ia ki kyrteng sha ka sorkar pdeng ki dang ap ia ka jingbit ban iohi.
U Political secretary jong ka seng GNLA u Bikdot marak u la ong ba lada ka sorkar kam pynshai kin nym shah ban ialap elelction la ong ba la ai ia ka jingbthah sha baroh ban siat lai kuli na ki kjat lada don kiba pynkhien ia kane ka hukum.(SP News)
