Shillong, Iaiong 07: Ka tnad Indian Metrological Department (IMD) kala pyntip ba ha kine ki ar sngi kan don ka jingbeh lyer,jingbeh ka leilih ha kylleng ka jylla Meghalaya ha kine ki san sngi ban wan.
La iathuh ruh ba kan don ak jingbeh ka lyer na ka bynta ba shatei jong ka ri Bangladesh bad kane kan kiew sha ki jylla ba shatei jong ka ri India.Kane ka lyer ka beh sha mih ngi jong ka jylla Assam bad ki jylla ba marjan.
Kane ka lyer kan beh ha ka jingsted kaba 30km haduh 40 km bad kane ka poi sha kane ka thain shatei lamih ngi ka ri India mynta ka sngi 7/4/2024 bad la shai ka sngi ka 8/4/2024 bad kane kan bteng haduh 9 bad 10 Iaong 2024.
Na ka jinglong ka suin bneng kan don ka jingslap ba malu mala ha kato katne ki bynta ka jylla Meghalaya, hynrei kan don ka jingslap kaba jur ha thain Sohra. Kane ka jingslap kan long ha kine ki 24 kyna ban wan.
