Shillong, Iaiong 28: Ka myntri ba dei peit ia ka Tnat ka koit ka khiah ka jylla ka kong M. Ampareen Lyngdoh mynta ka sngi kala pyntip ba la don kawei ka jingkhlad noh jong u wei u rangbah na ka daw jong ka jingpang khlam kobid-19.
Ka Myntri kala ong ba kam mut pat ki paidbah ki dei ban iatieng ia syier ba ka khlam kobid-19 kan wan biang sa shisien , hynrei ngim shem ong ba ka khlam kobid-19 kan wan biamg kum ha kito ki por bad ki snem ba mynshwa .
Ka Myntri ka Tnat ka koit ka khiah ruh ka la pynshai ba ia ka jingkhlad jong u tei u briew yn phah biang ban test hato ka jing duh noh ia ka jingim ka dei na ka daw jong ka jingpang kobid-19 ne i ta i briew i ba la khlad i la don lypa da kiwei pat ki jingpang ki ba la ban ia i ha ryngkat ka kobid-19.
Haba iadei bad ka jingkhlad noh jong u ne u rangbah ka myntri ka la buh ka jingkyntu ia ki paidbah ba kim dei ban shong syier ba la don biang ka khlam jingpang kobid-19 ,namar ba ka sorkar ryngkat ki jaka ai jingsumar hi kin pyrshang ban tehlakam ia kane ka jing pang ba kan ym sa phriang than kum ha ki snem kiba la dep.
Ka myntri kala kyntu ruh ia kito ki paidbah nongshong shnong jong ka jylla kiba wan na ki jaka ba don ka jingpang kobid-19 ki dei ban shim ia ka jingiada ban ym pynsaphriang sha kiwei pat da kaba deng ia ki mask kumba 7 sngi , khnang ba ka jingpang kan ym sa phriang bad ban than.
Ka Myntri jong ka Tnat ka koit ka khiah ka sorkar jylla,ka la iathu ba ki dak ki shin jong ka jingpang kobid-19 hi ki dei ki juh ,kum ka baiong khlieh,ka sujit,ka pynhiar,ka jingbymlah ring mynsiem ne ka jingpang jyrhoh kaba jur kita ki long kumjuh .ka la ong
Ka la iathu shuh ruh ba u khñiang jingpang kobid-19 um dei uno uno u khñiang jingpang u ba thymmai ha ka jylla ka jong ngi bad ngim pat don ki lad dawai ban iada,kumta ngi ong ruh ha ka jaitbynriew bad imlang sahlang kim kwah shuh ban iohi ba ki nongpang kobid-19 kin bun haduh katta-katta ban hap khang duh khang dam hala ki jong ki ïing ki sem .
Ka Myntri ka la buh ruh ka jing kyntu ia ki paidbah nongshong shnong jong ka jylla kiba sngew ba ki don ia ki dak ki shin jong ka jingpang kobid-19 ,ki dei ban leit kloi sha ki jaka ai jingsumar,la ka dei ha ki blok ,ki testing centre ruh kumjuh.
Ka Myntri ka la iathu ruh ba ka sorkar kan ym panbor satia iano iano ban ai injek jing iada na u kobid-19, hynrei lada bun ki jingpang kiba ban ia ka met ka jong phi shim lypa ia kane ka dawai jing iada na bynta ka met lajong na ka jingban jong u khñiang jingpang kobid-19 .
