Shillong, Iaiong 26: Ka ophis jong u Deputy Commissioner (Supply), West Khasi Hills District, Nongstoin u la pyntip paidbah ba ka sorkar pdeng kala pyntrei kam ia ka skhim Pradhan Mantri Ujjwala Yojana (PMUY) da ka jingthmu ban pynduna ia ka rukom thang dieng ha kaba shet jingshet.
Haba ia dei bad kane ka sorkar pdeng kan ai noh da ka Gas ia ki long iing kiba duk kham tan ia ki long iing kiba don hapoh u lain jong ka jingduk bad kan long kyrpang ia ki long kmie. Na ka bynta kane ka sorkar kan air uh ka jingiarap pisa kaba T.1600 tyngka naka bynta ban thied ia ka Gas ha kaba sdang. Ki trai kiba ioh ia kane ka jingiarap kim hap ban siew tang T.591 tyngka ban thied ia ka Gas ba la pyndap ha kaba sdang.
Na ka liang jong u Deputy Commissioner jong ka West KHasi Hills District u la ong ba shen ka ophis kan sa pynlong ia ka jingpynshai paidbah ha kaba ia dei bad kane ka skhim bad ka ophis kan sa pyntip paidbah ruh ia ki kyrteng jong ki long iing kiba dei ban ioh ia kane ka jingiarap na ka sorkar pdeng.
Ki long iing kiba don hapoh u lain jong ka jingduk ki lah ban aplai ban ioh ia ka Gas lyngba ki nongsam Gas kiba don hapoh jong ka sor Nongstoin, da kaba ai ia ka kyrteng, Bank account bad kiwei kiwei ki kot ki sla kiba don kam ia ka Gas ban pynpoi ha ki iing ki sem ynsa leh da ka OMC. Ka ophis jongu DC kan ai tang ia ki application ym ia ka Gas. Ki paidbah ki lah ban phone sha ka Ailang Gas Agency ha Nongstoin u Bah Kyrshanbor Dkhar ha u ne u number 8794287319. La ong u DC Nongstoin.
