Shillong, Jymmang 11: Ha ka sien ba ar pynneh ka Mawlai Sport club da kaba rah biang Ia ka nam lahduh da kaba pynliem Ia ka Rangdajied United FC da 1-0 ha ka final jong ka Shillong Premiere league 2023 mynta ka sngi ka 11 tarik u Jymmang 2024
U Donlad Diengdoh u lah ioh ban thep ha ka minute kaba 26 da kaba shu head da ka khlieh sha Goal bad ban pynlong syndon Ia ka mawlai ban ioh rah syndon Ia ka nam lahduh ha Madan SSA stadium ha first Ground Polo wat hapdeng ka jingtrei shtom jong ka Randajied met bad mynsiem hynrei ki lah jan ioh ban pynphai hynrei sniewbok ka leit dei noh na u Dienggoal ha ka kylla miet bad pynlong syndon Ia ka mawlai ban rah Ia ka nam lahduh
Ka Rangdajied wat hapdeng ka jingiakhun tyngeh ban ioh pynphai hynrei shu sepeikai bad hun noh ban ioh noh ia kyrdan Runnerup ha ka sien ba ar ha kumjuh ha u snem ba lah dep ha u 2022
Ka Mawlai Sport club ka lah ioh pdiang Ia ka nam lahduh da kaba rah Ia ka trophy bad ka song pisa kaba 3 lakh tyngka na u kongsan u chief Secretary jong ka jylla Meghalaya U bah Donal Phillip wahlang ka Runnerup Team ka ioh pdiang Ia ka song pisa kaba 1.5 lakh sha ka Rangdajied bad lah sam da u chief Engineer jong ka state Sport council u bah BM Syiem
Kiwei kiwei pat ki kynrem ki lyndan kiba Ia don lang ki kynthup Ia u President jong ka meghalaya football association u Hamlet Dohling, U President jong ka Shillong Sport Association U shri Eugeneson Lyngdoh bad kiwei kiwei ki heh pyniaid jong ka tnat ialehkai ka Shillong Sport Association.
