Guwahati; Lber 4: Ha ka jingiakop thei bha briew kaba la long ITA Cultural Complex ha Machkhowa haka sngi saitjain kaba la dep haka por jan mieit, kila don lai ngut ki nongjop ia kane ka jingiakop Sunsilk Serum Mega Miss North East 2024, kita ki long ka samla Dipti Basumatary na Assam, ka sam la Monica Konjengbam na Manipur bad ka Ridamaya Passah na Meghalaya.
Namar ka jingiakop kala long long thmit haduh katta katta hapdeng ki nongiakhun ia ha kane ka jingiakop thei bha briew kumta kiba pyniaid kila rai ban pynjop ia baroh lain gut kum ki thei bha briew ha kane ka jingiakop ia ka Sunsilk Serum Mega Miss North East 2024 ha kaba kila ioh ia ki juh ki khusnam baroh lain gut.
Namar ba kila jop ia kane ka jingiakop la jied ar ngut na kine ki lai ngut ban mih khmat ia ka Ri India ha ka jingiakop thei bha briew sha ka pyrthei, ka samla Monica Konjengbam na Manipur kaba la ioh ia ka nam Mega Miss India- Continental World kan mih khmat ia ka Ri India ha ka jingiakop Miss Continental World ka ban long ha Thailand mynta u snem.
Ha kawei pat ka liang ka Ridamaya Passah na Meghalaya kaba shah pynkup burom ia ka nam Mega Miss India – Top Model of Universe kan mih khmat ia ka Ri India ha ka jingiakop thei bha briew ban long ha Turket mynta u snam ha ka jingiakop kaba la tip kum ka Top Model of Universe.
U Abhijeet Singha u nongseng ia kane ka jingiakop thei bha briew la ong ba kane ka jingiakop kala kot sha ka bynta kaba 20 ia kaba la tip kum ka Sunsilk Serum Mega Miss North East, ki nongjop kila ioh ia ka khun snam da ka pisa shilak tyngka marwei marwei. Ha kane ka jingiakop la don ruh kiwei kiwei kiba ioh ia ki khusnam ha ki kyrdan bapher bapher.
