Shillong, Nailar 19: U Lamphang ka iing dorbar thawain ka jylla u bah Metbah Lyngdoh mynta ka sngi u la khot ia ka jingialang jong ka “Business Advisory Committee” jong ka iing dorbar thawain ka jylla ban ia buh sngi ban pynlong ia ka dorbar synrai ha u Nailur.
Katkum ka jingpynbeit ia BAC mynta ka sngi kala buh ba ka jingshong dorbar kan long 6 sngi lynter, lai sngi la buh na ka bynta ki kam jong ka sorkar bad lai sngi na ka bynta ki liang pyrshah. Ka jingshong dorbar kans dangha ka 10th bad kan kit ha ka 17th Nailur 2021.
Ha kane ka jingialang ka BAC, na ka liang jong ka sorkar la don lang da u Symbut Myntri Rangbah ka jylla u bah Prestone Tynsong ba dei peit ia ka tnad parliamentary affair, u bah Balajied Kuprar Synrem, na ka liang pyrshah la don u Dr. Mukul Sangma nongialam ka liang pyrshah bad ka Kong Ampareen Lyngdoh lem.
Ha kane ka sngi la don lang ruh ki ophis na ka iing dorbar thawain ka jylla, ia ka jingialang ba pyniaid da u Lamphang ka iing dorbar ha kaba kila shim ia ka rai ban sdang ia ka dorbar synrai ha ka 10 Nailur 2021.
