Rai ka HPC ban phah jurip ha kawei pat ka kynhun laitluid ba twa ka Dome Assembly: Metbah

Shillong, Jymmang 24: Ka High Power Committee (HPC) hapoh ka jingpyniaid jong u Lamphang ka iing dorbar u bah Metbah Lyngdoh mynta ka sngi kala iashong ban iakren halor ka jingkhyllem jong ka Dome ka tnum jong ka Assembly kaba dang shna thymmai ha Mawdiangdiang.

Ha dien ka jingialang u lamphang ka iing dorbar u bah Metbah u la iathuh ba ka HPC kala shim ia ka rai ban phah jurip ha ka kynhun kaba lait luid ban bishar ia ka jingtwa ka Dome ka Assembly bad kila buh ba kin tyrwa sha ki lai tylli ki IIT, ka Guwahati IIT, Kolktata IIT bad ka Delhi IIT na pdeng kitei ki lai tylli mano ban pdiang ia kane ka jingturwa.

Ha kane ka jingialang jong ka HPC la shim ia ka rai ban ia mynta yn pynsangeh lut ia baroh ki jingtreiĀ  jong ka iing dorbar thawain ka jylla bad ia ka jingtrei yn sa sdang biang haduh ban da ioh ia ka kaiphot na ka kynhun jurip ba ka HPC kan sa thung.

La bthah ban nym shah ia baroh ki briew ban leit rung sha katei ka jaka bad ia ka Dome kaba khyllem kin sa phah tap noh ba ka um kan nym ioh ban rung sha katei ka jaka lada slap kitei ki dei rai kiba la HPC kala shim ha kane ka jingialang mynta ka sngi.

Ki dkhot ka HPC kiba la poi sha kane ka jingialang mynta ka sngi ki long u Myntri Rangbah ka jylla u Conrad K Sangma, u Deputy Speaker u Timothy D Shira , u myntri ba dei peit iaka tnad sam um u bah Renitone L Tognkhar, u myntri ba dei peit ia ka PWD Building u Daskhiatbha Lamare, u nongialam ka liang pyrshah u Dr. Mukul Sangma ka kong Ampareen Lyngdoh MLA.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet