Shillong, Nailar 17: Ka iing bishar jong “Chief Judicial Magistrate” Tura kala pynmih ia ka hukum ban dang aiti u Bernard N Marak ha ki pulit sa hynriew sngi ba kin dang tohkit halor ka jinglap ia ki tiar siat na ka Edenbari Resort ha West Garo Hills.
U Superintendent ki pulit ka West Garo Hills u la pyntip ba kane ka jingaiti sha ki pulit ban dang tohkit sa hynriew sngi da ki pulit ia u Benrad N Marak ka long ka rai kaba la ai da ka iing bishar jong Chief Judicial Magistrate mynta ka sngi.
Kane ka jingaiti biang ia u Bernad N Marak sa hynriew sha ki pulit ka long ban kin dang ioh ban tohkit shuh shuh ha kaba ia dei bad ka jinglap ia ki tiar siat ha ka jingleit ban khynra ia ka Edenbari Resort.
Lah ban pynkynmaw ba ka iing bishar kala phah ia u Bernad sha ka Judicial Custody ha kaba ia dei bad ka ejahar kaba don hapoh ka Women Police Station Tura, hynrei la shah ia ki pulit ban kem biang ha kaba ia dei bad ka jinglap ia ki tiar siat bad mynta u Bernard u dang hap ban tohkit da ki pulit.
