Shillong, Jylliew 27: U Myntri Rangbah ka jylla u Cornad K Sangma mynta ka sngi u la iathuh ba ka jingialang jong ka Kabinet kala shim ba ia kito ki long iing kiba shna iing iing da kaba kyntur pud ha ki jaka sorkar ha Williamngar ka sorkar kan ai pata noh ia ki mar shiphew hajar phut sawdong.
U Myntri Rangbah la iathuh ba baroh ki long iing kiba wan kyntur pud ban shna iing ha kine ki jaka sorkar ki don haduh 1294 tylli, na kine ha ka dong Balsrittim ki don 886 tylli kit num iing bad ha Waringgrp ki don 408 tylli, kine ki briew kila shna iing la bun bun phew snem mynta.
Ban weng ia ki ruh kam long shuh namar kila don kiba leit sha iing bishar bad ban weng ia kane ka jingeh eh ka long ba ka kabinet mynta ka sngi kala shim ia ka rai ban ithuh noh ia ka jinglong trai jong ki ia ka iing ka sem da kaba ai pata mar shiphew hajar phut sawdong, katba ia ka khyndew yn long trai da ka sorkar.
Haba ia dei bad kane ka sorkar kan pynshong ia ka dor katkum ka dor jong ka Garo Hills Autonomous District Council, la khien antad ba ka sorkar kan ioh na kaba phah siew ia kabai jaka kan long T. 8 klur ha Balsrittim, hynrei na ka jingsiew khajna baki hpa ban siew pat man u snem kan ioh T.2.67 klur bad na ka Waringgrp kan ioh T.4.5 klur na ka jingsiew ia ka bai jaka bad na ka khajna kaba man u snem kan long T. 1 klur shisnem.
Haba ia dei bad ka jingkyntur pud jong ki riew paidbah ha Tura ha ki jaka sorkar pat, la bthah ia ki bor jong ka District Administration jong ka West Garo Hills District ba kin jurip khnang ban dup lah ban pynbeit kumba la leh ha Williamnagar bad ki paid kim dei ban artatien ia kane ka jingthmu ka sorkar.
Mynta ka sngi ka Kabinet kala shim ia ka rai ban wan rah ia ka jingkylla ha ka Meghalaya Minor and Minerals Concession Rule 2016 da kane ka jingpynkylla yn lah ban tih shyiap bad ynshah tang ia kito ki jaka kiba jngai 100 meter na wah.
