Shillong, Jylliew 09: U Conrad K Sangma myntri rangbah ka jylla mynta ka sngi u la pyntip ba ha ka jingialang jong ka kabinet kaba la long mynta ka sngi la shim ia ka rai ban plie noh lai tylli ki Kolej, ar tylli ha Ri Bhoi bad kawei ha Garo Hills.
Ki lai tylli ki Kolej ki long ka Veterinary Collage, Dairy College bad ka Fishery College, ia ka Veterinary Collage, Dairy College yn buh ha kyrdemkulai katba ia ka Fishery Collage pat yn buh ha Garo Hills la aiti ha ka tnad ri Dohha ban wat ia ka jaka ha Garo Hills.
Haba ia dei bad kitei ki lai tylli ki Kolej,u mytnri rangbah la ong ba haba sdang yn lah ban pdiang tang hapdeng 60 haduh 100 ngut ki samla pule kata ka shong ha ka jingdon ki nonghikai.
Kawei pat ka Rai ka long ba kala don ka jingkylla ha ka Meghalaya District Court Rule, ka jingpynkylla ka long ba ia ki kam kiba rit hapoh jong District Court yn khot noh ia ka jingthing kam da ki District Court ymshuh da ka High Court kane ka long ban pynkloi bad ban nym ban khia ia ka High Court.
