Shillong, Jylliew 27: Mynta ka sngi ka Kabinet kala shim ia ka rai ban thung noh ia u “Managing Director” ba pura hapoh jong ka Meghalaya Energy Cooperation Limited bad u myntri ba dei peit ia ka tnad kam bording un long u shongknor ka Corporation.
U myntri rangbah ka jylla u Conrad K Sangma u la iathuh ba u MD jong ka MeECL u dei ban long u IAS bad lada ioh da u engineer ba tip bha ha kaba ia dei bad ka kam bord ing kan kham bha lada ioh ia u briew ba tip bniah ia ka kam ban long MD.
La ong ba u Managing Director jong ka MeECL yn long hi u MD jong ki saw tylli ki Corporation ka MePDCL, ka MEPTCL, ka MEPGCL, ka MEECL bad ki shongknor jong kine ki corporation ym long da ki ophisar ba dei na ka tnad bording.
U Myntri Rangbah la ong ba ha kine ki 50 snem kiba la leit noh la phah ia ki Managing Director sha ka MeSEB bad mynta sha ka MeECL da ki ophisar kiba bat bad kiwei ki kam ruh dei ha kane ka rukom kim lah ban pyneit jingmut ha ka kam kaba ki trei namar kim dei kiba thung ban peit tang ia ka MeECL.
Haba ia dei bad ki jingeh jong ka MeECL ban ia kren ki ki don shibun ki jingeh hynrei ka dei ka kam jong ka sorkar ban iarap ia ka Corporation ban pyniaid sha khmat, ka jingshim ia kane ka rai ban buh ia u Managing Director ba pura ka long ba un ioh ban peit kyrpang tang ia ka MeECL.
