Shillong, Rymphang 23: Ka Meghalaya Olympic State Association ka la lum ia ka jingialang mynta ka sngi ha oph streikam ban pynkhreh ia ki kynhun ialehkai ki ban ia shim bynta ha ka 3rd North East Games 2024 kaban long ha Nagaland.
Ia katei ka jingialang la pyniaid da u Bah John F Kharshiing, Working President, MSOA ha ka jingiadon lang jong u Bah Finely L Pariat, General Secretary Meghalaya State Olympic Association uba la batai bniah halor ki jingdonkam bad khamtam halor ki program jong katei ka North East Games kaba lai kaban long naduh 18 tarik haduh 23 tarik March 2024 ha Nagaland.
Katkum ka jingpynbna na ka Nagaland Olympic Association ki la rai ban pynlong 16 tylli ki jingialehkai bad ka MSOA ka la rai ban ia shim bynta ha jan baroh ki jingialehkai ha ryngkat ka jingkyrshan na ka tnad Department of Sports and Youth Affairs.
Ha katei ka jingialang la don ki nongmih khmat na ki Association bapher bapher kiba ka MSOA ka la khot kiban ia shim bynta sha katei ka 3rd North East Games 2024 bad la shim katto katne ki rai halor katei ka jingpynkhreh.
Na ka liang ki nongpyniaid ka MSOA ki la pyntip ba kin dang ap ban kut ka dorbar mang tyngka ban ioh ia kren bad ki bor jong ka tnad Department of Sports and Youth Affairs Government of Meghalaya.
kane ka jingleit kan long ban pan ia ka jingkyrshan mang tyngka na ka bynta ban ioh phah ia ki nongialehkai na ka jylla Meghalaya sha ka 3rd NEOG ka ban long naduh 18 tarik haduh 23 tarik Lber 2024 ha Nagaland.
