Shillong, Rymphang 16: Ka jingialang jong ka Mawlai Town Dorbar Committee kaba la long ha ka sngi Balang ha iing dorbar shnong Mawlai Nonglum kila shim ia ka rai ban ai jaka ia ka sorkar ha Mawroh ban buh ia ka Mawlai C7RD Block.
U Bah Embhah Syiemlieh MLA jong ka Mawlai, haba kren ha u SP News Agency u la ong ba kane ka jingialang da kawei ka sur kila ia rai ban ai ia ka jaka ha Mawroh ba kane ka jingtyrwa kan leit sha ka sorkar, ha kane ka jingialang la don lang ruh u Bah PT Sawkmie MDC bad u Syiem jong ka hima Mylliem bad na ka liang jong ki ki ai ka jingkyrshan ia ka MTDC ban ai sha ka sorkar ia kane ka jaka.
Kane ka jaka kan long ka pdeng ia ki lai tylli ki Constituency, ka Mawlai, ka Pynthor bad ia ka Nongthymmai namar kan long kaba biang eh bad ha kine ki sngi kin sa leit ban aiti ia kane ka jaka sha ka sorkar ba kan dup lah ban pynurlong noh ia kane ka kam kaba ki paidbah kila kwah ban ioh ia ka C7&RD Block.
U bah Embhah u la kren shai ba kane kam kam dei ka jong no jong no ruh ka dei kam jong ki paidbah bad u kwah ba ki paidbah kin ioh ia ka jingmyntoi. Ha katei ka jingialang kaba la long da kawei ka sur ka MTDC kala rai ban leit sha ka sorkar ban tyrwa ia kane ka jaka.
