Rai ka sorkar ban ai ei ia ki dawai Tika ban ai sha ki paidbah ka jylla kiba hapoh 44 snem

Shillong, Jymmang 4: U Symbut myntri rangbah ka jylla u bah Prestone Tynsong u la pyntip ba ha ka jingialang kaba la ialam da u mytnri rangbah ka jylla kaba la long mynta ka sngi kila ia kren ha kaba ia dei bad ka jingdon ki marbam ha ka jylla.

Haba ia dei bad kane u bah Tynsong u la pyntip bas ha baroh ki nongshong shnong jong ka jylla ba ki marbam kim don jingduna ei ei ruh ka jingdon ki marbam ki biang ki paidbah kimd ei ban syier.

U Symbut Myntri Rangbah u la pyntip ruh ba ka sorkar pdeng kala pynlait ia u khaw ban sam ei sha ki paidbah na ka bynta u bnai Jymmang bad Jylliew bad ka jingwankit ia une u khaw kala sdang bad ka jingsam kan long ha mynta u bnai hi.

Ha kane ka jingialang mynta ka sngi la ia kren bad la shim ia ka rai bad ka sorkar kala siew ia ka bai dawai tika sha ka kompnei ba shna ia ka dawai tika na ka bynta 42,000 tylli ki dawai tika bad kine ki dawai kin poi sha kane ka jylla ha kine ki khyndiat  sngi.

U symbut myntri rangbah u la pyntip ba ka dor jong kine ki dawai Tika ki long T.300 kawei ka dawai Tika, haba ia dei bad kane ka sorkar kala shim ia ka rai ba kin ai ei sha ki paidbah ia kane ka dawai Tika sha baroh kito kiba dei hok ban ioh ia kane ka dawai Tika.

U Symbut myntri rangbah ka jylla u la ong ba kine ki 42,000 tylli ki dawai Tika ki long na ka bynta kito ki briew kiba hadpeng ka rta 18 snem bad 44 snem bad kumba ka long mynta la bthah ia ka tnad ka koit ka khiah ba kin shim jingkhein katno ngut kin don ki briew ha katei ka rta.

U Symbut myntri rangbah ka jylla u bah Prestone Tynsong mynta ka sngi u la pyntip ba kiba la test COVID-19 positive mynta ka sngi ki long 339 ngut baroh kiba dang shitom na kane ka jingpang ki long 2019 ngut baroh.Kiba la ioh ia ka jingkoit mynta ka sngi ki long 204 ngut.

What Next?

Recent Articles

Leave a Reply

Submit Comment

*