Shillong, Risaw 6: U Symbut Myntri Rangbah ka jylla u bah Prestone Tynsong u mynta ka sngi u la pyntip ba ka sorkar kala shim ia ka rai ba na duh ka 16th Risaw 2020, kito kiba wan rung sha ka jylla Meghalaya ki hap ban siew ia ka bai test Antigen ha ki khyrdop bad ka dor kan long T.500/-.
Kane kan long ia baroh ki briew kiba wan rung sha ka jylla Meghalaya, hynrei ia kito kiba la don ia ka syrnot lada ka jingioh ia ka syrnot ba ka jingtest ka dang long hapoh ka 72 kynta ia ki yn pynlait khlem da test shuh.
Haba ia dei bad ka jingtest COVID-19 positive lada ki briew ki kwah ban leit test hi da la dep ki hap ban siew T.3200/- tyngka kane kan long ia baroh kiba hap ha ka APL katba ia kito kiba hap hapoh ka BLP kim don kam siew ei eiei.
U symbut myntri rangbah u la batai shai ba na ka bynta kiti kiba dei ba ki Don ka jingia dei ba jan bad kiba la test COVID-19 positive kine ruh Kim Don kam ban siew ei ei haba leh Ia ka test.
Ka sorkar kala buh ia ki jaka ban test, ka Pasture institute Lawmali, Civil Hospital Nongpoh, Civil Hospital, Tura, Civil Hospital Ampati, Civil Hospital, Nongstoin, Civil Hospital Baghmara, Civil Hospital Williamnagar, ki CHC pat ha Mawkyrwat, Khliehriat, Resubelpara bad ka MCH Hospital Jowai.
Ki hospital jong ki riew shimet kiba ka sorkar kala ithuh ba ki lah ban test, ki long ka Bethany Hospital, Dr H. Gardon Robert Hospital Shillong bad ka Nazareth Hospital Shillong. Haba ia dei bad ka jingsiew ia ka bai test na ka bynta ki long iing kiba hap hapoh ka BPL ha kine ki jaka ka sorkar kam don jingkit khlieh.
