Shillong, Lber 11: ka United Democratic Party (UDP) ha ka jingialang jong ka central executive committee kaba la long mynta ka sngi kala shim ia ka rai ban pynieng ia u Bah Paul Lyngdoh kum u kyrtong MP na ka 1-Shillong Parliamentary Seat.
U nongai ktien jong ka seng UDP u bah AF Dkhar haba kren ha u SP News Agency u la iathuh ba ka UDP ha ka jingialang kaba la long mynta ka sngi ka la shim ia ka rai ban pyniakhun ia u Bah Paul kum u kyrtong MP.
U Bah Dkhar u la ong ban a ka liang jong ka UDP ka kyrpad biang sha shisien ia ka party HSPDP bad ka KHNAM ba kin ai ka jingkyrshan ia u kyrtong jong ka UDP ha kane ka MP election ban ia khun pyrshah ia u kyrtong ka seng Congress na kane ka 1-Shillong Parliamentary Seat.
Na ka liang jong ka UDP kala dep ban kyrpad ia kitei ki ar tylli ki seng kham mynshuwa ruh hynrei ka jubab kaba ki ioh ka long ba kine ki ar tylli ki seng ki kloi ban kyrshan lada ka UDP ka pynieng ia u Bah Bindo M Lanong lane ia u Dr Jemino Mawthoh.(SP News)
