Shillong, Nailur 21: Ki shipai BSF kila pynlong ia ka jingrakhe ban kynmaw burom ia ka sngi seng ia ka “BSF Wives Welfare Association” ia kaba la sdang ha u snem 1992 . Ia kane ka jingrakhe la pynlong ha Mawpat bad ka president jong kane ka seng ka dei ka kurim jong u DG jong ki shipai BSF.
Ka jingthmu, haba seng ia kane ka BWWA, ka long ban pynioh ia ki jingdon kam jong ki shipai BSF kiba dang donha ka kam bad kum juh kiba la shongthait, ban ia rap ia ki kurim jong ki shipai kiba la khlad noh u kurim jong ki bad ban ai jingiarap ia ki bad ban ai jinghikai kumno ba ki lah ban ieng hala ki jong ki kjat ha ka ioh ka kot.
Ia kane ka jingrakhe burom la sdang da ka jingthang ia ka sharak da ka Dr. Manishi Dubey, President jong ka seng. Ha kane ka sngi rakhe la pynlong shibun ki jingiakop dro dur bad ki jingshah bad kiwei kiwei jingiakop bad la ai khusnam ruh sha ki nongjop.
Haka jingkren jong ka Dr. Dubey, kala ai ka jingiaroh ia ki jingtrei jong ka seng BWWA na kane ka, Meghalaya Frontier, ha kaba iarap ban kyntiew ia ka ioh ka kot jong ki long iing long sem jong ki kynhun shipai BSF, ha ka por ba ki lok jong ki ki don sha khappud ban iada ia ka Ri. La pynshlur ba dei ban ai jinghikai kyrpang ia ki wat haka liang jong ki computer.
