Shillong, Naitung 18: Ka kynhun AdventuRes kala rakhe ia ka sngi iap kaba 186 jong u syiem Tirot Sing Syiem da kaba sam ia ki jingbam ia ki shipai BSF kiba don ha West Jiantia Hills ha khyrdop kaba don ha Dawki ban rung sha Bangladesh.
Na ka liang jong ka kynhun AdventuRes kala hiar sha Dawki ban ia kynduh ia ki shipai BSF kiba don ha katei ka jaka ban iada ia u pud u sam jong ka Ri India ha ki bynta jong ka jylla Meghalaya kane ka jingleit ka long ban ai burom ia ki shipai BSF kiba la aiti iala de na ka bynta ban iada ia ka Ri.
Ki dkhot jong kane ka kynhun kiba la ia leit sha katei ka jaka ba don ki shipai BSF ha khadppud bad ka Bangladesh ki long u Kailash Varma, ka kong Ooma Tariang, ka kong Susuki Pariat, u Khalid Khan, u Suresh Singh bad ka Osheen Tariang.
