Shillong, Kyllalyngkot 24: Ka Meghalaya Progressive Foundation (MPF) ha ryngkat ka jing iatreilang bad ka Nehru Yuva Kendra Sangathan, Shillong lem bad ka Office jong u Deputy Commissioner East Khasi Hills Distrct da ka jing kyrshan lang ruh jong ka Durbar Shnong Mawklot ha ka 24th January 2017 kala rakhe in advance ia ka NATIONAL VOTER’S DAY da kaba pynlong ia ka Programme ‘NEIGHBOURHOOD YOUTH PARLIAMENT’ ha Community Hall & Training Center Mawklot, Upper Shillong.
Ha kane ka sngi la wan ban ia shim bynta da palat 60 ngut ki khun samla jong ka shnong Mawklot kiba dang shu ioh pynrung thymmai ha ka Thup Kyrteng jong ka Electoral Roll. Ia ka jingialang ha katei ka sngi la pyniaid da U Bah Banlum Tariang, Secretary Dorbar Shnong Mawklot uba dei ruh ha kajuh ka por u BLO ha kaba la sam ruh ia ki EPIC kiba thymmai sha baroh ki khun samla jong ka shnong kiba dang shu dep pynrung kyrteng shen ha ka Thup Electoral Roll da u Bah M.Nongneng, Rangbah Shnong Mawklot ha kaba u la ai ruh ka jingkyntu kynpham sha baroh ki samla kiban sa long ki Nongjied ia ki Nongmihkhmat ha kine ki khyndiat snem kiban sa wan.
Na ka liang jong u Samla Kitboklang Nongphlang uba dei ruh ha kajuh ka por u Secretary General jong ka Meghalaya Progressive Foundation haba ai jingkren ha katei ka sngi u la ban jur ba kum ki Paidbah Nong Shong Shnong kidei ban pyndonkam hok ia kane ka Iktiar da kaba ong “Haba phi thep ia ka Vote, Phi rai ia ka Lawei jong ka San Snem” Shuh shuh u Samla Kitbok u la kyntu ruh ia ki nong thep vote ba kidei ‘Ban kylla thiah kylla dem ban phai sha u Blei ha ki jing duwai hashwa ba kin shim ia ka rai khnang ba phin ioh mad ia ki jing kyrkhu ban saindur ia ka lawei’.
La pyn phuh pyn phieng bad pyn shong shit ia ka jingialang da ki jing rwai kyrpang shaphang ka jing kordor jong ka Vote bad ka jing donkam ia ka EPIC Card da ki sur jing rwai na u Samla Bankerlang Kharkongngor, Shwa ban pyn wai ia ka jingialang la Pynbam Smai ruh ia kabroh ki Samla kiba la ioh pdiang ia ki EPIC kiba thymmai ia kaba la pynbit pynbiang da ka Tnat Election Department katkum ka jing bthah jong ka Election Commission of India, la ioh ia ka jing kren ai khublei na I Bah M.Lyngdoh BLO, Mylliem Block.
