Shillong, Nailur 04: Ka dorbar shnong Quallapaty mynta ka sngi kala pynlong ia ka jingrakhe ia ka jingdap 25 snem ka jinglong Rangbah shnong u bah Martamlin Pyrbot ha ka jingialang kaba lyngkot katkum ka jingai jingbit na ka ophis jong ka Deputy Commissioner jong ka East Khasi Hills District.
Haba kren ha ka jingialang leh burom u bah Martamlin u la ong ban long rangbah shnong kam dei ka kam kaba suk, ban peit dei kaba suk, hynrei ka dei kaba eh hap ban kthakhlieh ban ia dei bad ki paidbah kam dei kaba suk namar ha kren hap ban adkar.
Kane ka jingjied lynter jong phi ia nga ban long kum u rangbah shnong ha kine ki arphew san snem lynter ka dei ka syrnot kaba ki paidbah kila ai ha nga bad kane ka long ka burom ia nga ha kaba ki long din kin tip ia kane la jied ia nga kum u rangbah shnong 17th Jylliew 1995.
U bah Martamlin u la pynkynmaw ba ha ka por ba u shimti ia ka kam rangbah shnong kane ka shnong kala dei ka pdeng jong ki katto katne ngut kiba la shong ha ki lat bad kane kala buh ia ki nongiaid nongieng ha ka jingma bad ban weng ia kine la hap ban shu ia shonglang bad suki jai kine ki khynnah kila shu jah.
U bah Martamlin u la ong ba ban wan rah ia ka jingshong ha shong ha thaw kam tang jong u rangbah bad Secretary shnong hynrei dei jong baroh ki nongshong shnong ban ia treilang na ka bynta ka jingbit jingbiang ka shnong ka thaw bad haba shim rai kum u rangbah shnong hap ban da pyrkhat bun sien.
Kum rangbah shnong haba shim rai dei ban shim ia ka rai khlem da ia shahliang bad haba shim ia ka rai wat u ba shah rai pynrem ruh un sngewthuh ba hooid ka dei ka jingbakla na ka liang jong u, hynrei lada shim ia kano kan ka rai da kaba ia shah liang kan wanrah ka jingklumar dei na kane ka daw kum u rangbah shnong haba shim rai u shim suki jai bad kata ka rai kan long kaba biang.
Ha kane ka sngi la don tang ki nongkit kam shong ha kaba pynlong ia kane ka jingrakhe ha Quallapaty Presbyterian School,ha kane ka sngi kala don ruh ka jingot kake kum ka jingrakhe ia kane ka jingdap 25 snem ka jinglong rangbah shnong u bah Martamlin Pyrbot.
