Shillong, Nailar 15: Mynta ka sngi ki shipai BSF kila rakhe ia ka sngi laitluid jong ka Ri India kaba 78 senem, ha kaba u IG jong ki BSF u Harbax Singh Dhillon u la pynher ia ka lama jong ka Ri India ha Frontier headquarters in Umpling, Shillong.
Ha kane ka sngi la pynlong ruh ia ki jingrakhe ia kane ka sngi Laitluid ha ki BOP kiba don ha kylleng jong ka jylla Meghalaya, ha Dawki ki BSF kila ai mithai ia ki shipai BGP kum ka dak jong ka jingrkahe ia kane k sngi kaba khraw jong ka Ri India.
Ha kane ka sngi la pynlong ruh ia ka jingpyni paidbah sha ki khynnah skul ia ki suloi kaba ki BSF ki pyndon kam ha kaba iada ia ka ri India bad kane ka long ban pynrung sha ki samla pule ia ka mynsiem ieit ri.
Ha kane ka sngi ki samla pule kila pynlong ruh ia ka jingshad tynrai ban pyni ia ki sap ki phong jong ki samla pule kiba don hapoh jong ka BSF skul kaba don ha Umpling, ha kaba la ia shim bynta da ka jingshitrhem ki samla pule.
Haba kren ha kane ka jingialeh kmen u Inspector General Harbax Singh Dhillon u la ai khublei ia baroh ha kane ka sngi kaba khraw jong ka Ri India ban kynmaw ia ka jingioh lait luit ka Ri bad u la kyntu ia ki samla pule ba kin bat skhem ka ka burom jong ka ri bad u phah ruh ia ka khubor sha ki paidbah kane ka jylla Meghalya ia ka jingai khublei jong u.
