Shillong, Iaiong 11: Ki Nongialam jong ka NEHUTA bad NEHUNSA hynne ka sngi kila pynlong ia ka jingïalang ba kyrpang ha khmat ka ophis treikam jong u VC ban peit pyrman ia ka long ka man hapoh ka University.
Haba kren bad ki nongthoh khubor u Prof Lakhon Kma u la iathuh ba ia kane ka general Assambly ki la pynkhreh naduh kine ki sngi ba la dep hadien ba ki la iohi ba ka Prof Sherwin M. Sungoh kala iehnoh kam kum ka Pro Vice Chancellor hynrei kala join kum ka Acting Vice Chancellor namar ka dei ka Nonghikai kaba la rangbah tam na baroh .
Na la liang ka kynhun ka pynpaw ia ka jingsngew kmen ia kane ka sien jam ba ka shim bad ong ruh ban long tang kum ka Pro VC kan hap ban trei hapoh ka jingpeit bad jingbtah jong u VC, bad kam lah ruh ban trei ia ki kam laitluid ki hap ban sngap ia ka jingbthah jong u VC, hynrei kum ka Acting VC ka don ka bor kaba pura.
U Prof Kma u la ong ba ki sngew kmen eh ba i la shong ha ka shuki kum ka Acting VC bad ka la sdang trei kam kum ka VC ba pura bad ka ioh lut ia ka bor. Na ka liang ka NEHUTA bad NEHUNSA kin ai ka kti ka mon ka kti ka diang ba in lah ban pyndep ia ki kam ram kiba bun, wat la Shen in sa shongthait noh na ka kam kum ka Nonghikai.
Shuh shuh u la ong ba kin ai ka jingkyrshan ba pura ba in lah ban pyndep ia ki kam kat kum ka jingleh jong u Vice Chancellor.
