Shillong, Nohprah 02: u bah George B Lyngdoh Vice President ka party TMC ha kane ka jylla Meghalaya u phah ia ka shithi resign na ka party bad kum juh na ka kam kaba u bat naduh mynta ka sngi bad ia ka shithi la phah sha u President ka seng u bah Charles Pyngrope President.
Ha kane ka shithi ienoh kam na ka party TMC kaba la ai kotpi ruh sha ki bor bahalor jong ka party TMC, ha kane ka shithi na liang jong u bah George u la ai khublei ia ki nongialam jong ka party kiba la don lang ha kine ki por kiba la dep baroh. Kane ka jingresign kan long ruh na kam President jong ka Umroi konstitwensi.
Ha kane ka shithi resign na liang jong u MLA barim ka Umroi u khlem ai daw ei ei ruh em balei u mih noh na ka party TMC ha kaba u bat ia ka kyrdan Vice President hapoh ka jylla na kane ka party.
U bah George B Lyngdoh u la jop ia ka MLA Elekshon na ka seng Congress hynrei ha ka jingialam jong u Dr. Mukul kila ia mih ban pynsoh bad ka party TMC bad kane ka elelction kala dep mynta u snem 2023 u rem noh haba la ia khun na kane ka party TMC.
