Tura, Jymmang 09: U Extra Assistant Commissioner (EAC) jong ka West Garo Hills District u Labenn Ch Marak u la resign noh na ka kam kaba u bat mynta ban ia khun ia ka election sha ka iing dorbar thawain ain ka jylla kaban long ha u snem 2018.
Ia ka shithi resign jong u la phah sha u Principal Secretary Personnel & AR (A) & (B) Department Government jong ka sorkar Meghalaya ha ka lai tarik mynta u bnai 2017 lyngba ka ophis jong u Deputy Commissioner jong ka West Garo Hills District.
Ha ka shithi resign na ka liang jong u tei u ophisar u la kren shai ba kane ka jingresign ka jong u ka long ba u kwah ban ia khun ia ka election ka ban long ha u snem 2017 bad u da kyntu ia ka ophis ba kan pdiang ia kane ka shithi ienoh kam ka jong u kham kloi.
U Deputy Commissioner jong ka West Garo Hills District u Pravin Bakshi haba kren ha u SP News Agency, u la kubur ba ka dei ka jingshisha ba u Labenn Ch Marak u la phah ia ka shithi inohkam ka jong u.