Shillong, Kyllalyngkot 04: Mynta ka sngi u S.G Esmatur Mominin MLA jong ka Phulbari u la resign noh mynta ka sngi bad la sngewthuh ba u lah ban leit ban pyniasoh bad ka party TMC ban ia khun biang ia ka MLA na katei ka juh ka konstitwensi.
Lah ban pynkynmaw ba u Mominin u la jop iaka elekshon MLA na katei ka jaka na ka National People’s Party, hynrei ha dien ba ka NPP kala shim iaka rai ban pynduh tiket da kaba ai noh sha u Abu Taher Mandal, u la hap ban mih noh na ka party da kaba resign noh na ka kam MLA.
Ki MLA kiba la mih noh na ka party NPP ki don lai ngut, ka Ferlin C.A Sangma na Selsella bad u Benedic R Marak kine mynta kila leit ban pyniasoh bad ka party BJP. Katba u Mominin u lah ban leit pyniasoh bad ka TMC ong ki lat khubor
