Sa kawei na Resubelpara jong ka North Garo Hills kala ioh ia ka jingshitom COVID-19

Shillong, Jymmang  25: Mynta ka sngi u Myntri Rangbah ka jylla u Conrad K Sangma u la pyntip ba sa kawei ka briew na Resubelpara jong ka North Garo Hills kala ioh ia ka jingshitom COVID-19. Mynta kila don ar ngut kiba don ia kane ka jingpang ha ka jylla Meghalaya bad kawei kaba ha Tura.

Kane kaba shitom ka dei kaba wan phai na Chennai, ha ka por ba wan phai haba test kam don dak ei ei ban ong ba kan shitom hynrei ha dien saw sngi ba la test biang la shem ba ka don ia kane ka jingshitom. Kane kaba shitom kala don lypa ha ka Quarantine Centre jong ka sorkar.

U Symbut Myntri Rangbah ka jylla u Bah Prestone Tynsong u la iathuh ba haduh mynta ka jan miet ba baroh ki briew jong ka jylla kiba la wan phai sha ka jylla ki la poi sha ka 9500 ngut. Haduh mynta ka sngi kiba la dep ban leh ia ka RTPCR Test kila kot sha ka 5238 ngut.

La iathuh ba ka Rel ka ban mih na Rajeshtan la shai ka sngi 26/5/2020 ki briew na kane ka jylla ki don 225 ngut bad kaba ban mih na Andra Pradesh ki don 250 ngut. Ka Rel kaba na Kerala ki don 510 ngut bad ka Rel ka ban mih na Delhi kan don 500 ngut ei ei kine ki ar tylli ki rel kin mih ha ka 27/5/2020.

Na ka liang jong u bah Prestone u la pynshai ba kito kiba wan phai na kiwei ki bynta jong ka Ri India ki dei ban sngewthuh ba ka quarantine kan long 14 sngi ha ki jaka bala pynkhreh ka shnong ne ka sorkar bad 14 sngi kin hap ban leh hi ha la ki iing ki snem kaba mut 28 sngi.

U bah Prestone u la pyntip shuh shuh ba ioh leh se ki don kiba khlem ioh ban register bad ka sorkar, lada ki dang don ki ban wan phai sha ka jylla, ka sorkar kala buh lai ngut ki ophisar ba kim pyntip sha ki, u Assistance Transport Commissioner (M) 7005629354, u District Transport Manager jong ka MTC ha Tura (M) 8974254116 bad u Pool Officer (M) 9436103308 lada don kiba khlem pat register kin phone sha kine ki ophisar.

Namar ba ka sorkar kam pat shah ia ka jingiarung ia mih jong ki briew ha kane ka jylla, hynrei ki don pat ki paidbah nongshong shnong ki don kam ban leit jingleit sha bar ka jylla na ki daw kiba ym lah ban kiar ka sorkar kala thung ia ki ophisar lai ngut ba kito kiba don kam ban leit sha bar kihap ban phone sha ki kita ki long u DTO East Khasi Hills (M) 8787561584, u DTO Tura (M) 7005531765 bad u MVI Shillong (M) 8787776147.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet