Shillong, Nohprah 23: Ka seng AAP jong ka Meghalaya State Unit mynta ka sngi kala pynlong ia ka jingsam ia ki kot lyngkdot sha ki paidbah kiba iaid ba ieng ha ki surok jong kane ka nongbah Shillong kum shibynta n aka jingialeh pyrshah jong ki ia ki kam bamsap ha kane Ri India bad kum juh ha kane ka jylla.
Ha kine ki kot lyngkdop kiba la shon ha ka ktien khasi bad phareng kila kdew b aka daw jong ka jingsah dien jong ka Ri bad ka jylla ka dei na ki kam bamsap bad kane ka jingbam sap kala pynhiar dor ruh wat ia ka long briew man briew.
Haba ia dei bad ka niam ka seng AAP ka ngie tha ka jingiabha jong baroh ki jaid niam kiba don ha kane ka Ri ka party ka bym don jingiadei bad kano kano ka niam, ha kane ka kot lyngkdop kila kdew shai kdar ba lada ka party kan wan ha ka bar kan ai ia ka jingsynshar kaba beit bad kaba ryntih.
Ka seng kala pynsngew lyngba ki kot lyngkdop ba kan ia khun ia kane ka election kaban wan sha ka iing dorbar thawain jong ka jylla Meghalaya kaban long ha u snem 2018 kaba sah mynta sa tang shisnem. Ia kane ka jingsam kotlynkdop la ialam jong ki nongialam jong ka sent kaba kynthup ia u nongai buid jong ka seng u Bah I Uriah bad u General Secretary u Bah W Lapang.
