Shillong, Lber 02: Ka jingtrei ia ka surok na khmat jong ka ophis ka Meghalaya Public Service Commission (MPSC) ban poi sha khmat ka ophis jong ka Passport Ophis kaba la sdang ha u snem 2022 ha Lower Lachumier mynta kala sangeh biang.
Kane ka jingtrei kala sdang ha u snem 2022 jan kut snem bad ynda poi ha khmat jong ka skul All Saint kala sangeh bad kane kala pynlong ia ka myntri ka koit ka khiah ka Dr.Ampareen Lyngdoh ban leit ban jurip ia kane ka jaka bad ha dien kata kala sdang biang ka jingtrei.
Ka jingtrei kala iaid beit haduh ban da poi sha khmat ka ophis jong ka Passport Ophis hynrei sa ban mih sha surok kane ka jingtrei mynta kala sangeh biang, kane ka jingsangeh kala buh ia kiba pyndon kam ia kane ka surok ha ka jingeh namar ki don ki ophis sorkar ha kane ka surok.
Ka jingsangeh ia ka jingtrei kaba dei Smart City ka dei ka jaka ieng kali kaba ha Motphran kaba la dep ban pynpra bad mynta ka jingtrei kala sangeh ha kaba ia die bad kane ka jaka ieng kali.
