Shillong, Rymphang 28: Ka jingkhap ngiah kali ha surok Mawkhar naduh bala pynpra ia ka jaka ieng kali kaba la tip paidbah kum ka Stand Jaiaw ha Mawkhar kala jubor bad mynta kala pynlong ia ki nongniah kali ban long myllen noh ia kane ka jingsah kut kali ha kane ka suro.
Ki paidbah kila tip ba ka jingpynpra ia katei ka jaka ieng kali ka long ban shna ia ka jaka ieng kali kaba bun mala bad kumba k long mynta ia ka jaka ieng kali kaba rim la dep ban pynpra bad la kit ruh ia ki maw dewbilat na katei ka jaka.
Kaei kaba ki paidbah mynta ki klli kiba iaid na kane ka jaka ka long ba ia ka jingtrei mynta la sangeh bad ka jingylli ki buh katno snem kan dep kane ka jingshna ia kane ka jaka pynieng kali kaba bun mala ha Motphran namar katba dang slem ka jingtrei dang jynjar ka jingdheng kali ha kane ka jaka.
Ki kali kamai kiba kamai sha Mawtawar, NEHU bad Mawlai, ka Jaiaw bad Lawmali ki ieng kali ha kane ka jaka, da pynslem ia ka jingtrei ban shna ia kane ka jaka ieng kali kaba bun mala kan buh ia ki nongleit nongwan ha ka jingeh kaba khraw.
Ka jingkwah jong ki paidbah ba ka sorkar kan pynsted ia kane ka jingtrei namar kane ka dei ka jaka ieng kali kaba don kam bha namar ka don ha jan iew bad ka jingsakut kali ha kane ka surok Jaiaw Mawkhar mynta kala dang jur naduh ba pynpra ia katei ka jaka ieng kali ban shna thymmai.
