Jowai, Nohprah 11. U Deputy commissioner jong ka West Jaintia Hills District u Arunkumar Kembhavi u la ong ba ki briew jong ka Paytm kin ai jinghikai ia ki paidbah ha Jowai kumno ban pyndon kam ia ka rukom ia siew ia da ka Paytm ha kaba ia die ia thied.
Kane ka jinghikai kan sdang la shai ka sngi kaba dei ka sngi iew musiang bad kan long haduh ka 16 tarik mynta u bnai, ki briew jong ka Paytm kin sa pyni sha ki paidbah kumno ban leh ha kaba thied jingthied na ki dukan bad ki trai dukan ruh.
Da kane ka rukom pyndon kam ia ka Paytm, lah ban theh petrol, thied jingthied na ki dukan siew bai taxi, siew bill ha ki jaka leit bam leit dih. La ong ba ka jingmyntoi jong ka Paytm ka long ba ki briew kim da don kam ban don ia ki mobile kiba rem dor tang kiba la shu biang ruh la lah ban leh Paytm.
Ki trai dukan ki lah ban leh ia kane ha kaba kin ioh ia u QR Code u ba dei na ka bynta jong ki bad ki nongthied ki lah ban siew sha ki trai dukan khlem da don kano kano ka jingkhate, kaei ka don kam baroh kin sa batai ki briew jong ka Paytm la kyntu ia ki paidbah ba kin ia poi sha kane ka jingai jinghikai ka ban sdang la shai.
