Shillong, Naiwieng 22: Ban kynmaw ia ka jingshah siat iap san ngut ki riew paidbah na ka shnong Mukroh ha kum kane ka sngi 22/11/2022 kila shah siat iap ha ki bor pulit jong ka jylla Assam, ka seng KSU mynta ka sngi kala wah ia ki banner ha kylleng ka sor Shillong kum ka jingpynkynmaw ia kane ka sngi kaba sngewsih.
Ki jaka kiba la wah ia ki banner ki long ha Secretariat , ha kaba ki pulit kila weng na ki jaka kiba la wah da ki dkhot ka KSU, kiwei ki jaka ki long Motkiang Nangbah, Khyndailat, Motphran, Laitumkhrah bad sha GolfLinks, kane ka jingwah ia ki bnner ka long ban pynkynmaw ia katei ka jingjia kaba sngewsih.
Ban pynkynmaw ha ha kum kane ka sngi ka jingjia kaba sngewsih kala wantap hapoh ka shnong Mukroh kaba hap hapoh jong ka West Jaintia Hills ha kaba san ngut ki briew kila duh ei iala ka jingim ha ki ktah suloi ki pulit Assam.
Ha kane ka sngi la iohi ba ki dkhot ka seng kila teh ia ki banner ha kylleng kane ka nongbah Shillong, kane ka jingleh jong ka KSU ka long ban pynkynmaw ia ki paidbah ia katei ka jingjia ba san ngut ki mynsiem briew kila duh ei ha kum kane ka sngi ka kti ki pulit Assam.
