Sdang wan phai ka jingsuk ha nongbah Shillong, 3 kynta pynlait kophiew ha Police Bazaar

Shillong, Lber 03: Wat ka ka jingsyier jong ki briew ka dang don, hynrei ka jingshong suk kala sdang ban biang ha kane ka nongbah Shillong, na ka liang jong ki bor ba dei peit ia ka District Administration mynta ka sngi kila pynlait lai kynta ka korphiew ha Police Bazaar bad ki thain Anjellee.

Kane ka jingpynlait korphiew ha kitei ki ar tylli ki jaka mynta ka sngi ka long naduh ka por 12.00 baje shiteng sngi haduh ka por 3.00 baje noh phai sngi. Ha kine ki por ba pynlait korphiew ki paidbah bad ki khynnah skul kila iaid lyngba kitei ki jaka.

Katba ia ka iewduh bad ki sawdong jong ka haduh mynta ka sngi na ka liang jong ki bor ba dei peit ia ka District Administration ki dang pynneh ia ka Korphiew. Ka iaew duh ka dei ka iew kaba heh duh ha kane ka jylla Meghalaya ha kaba ki briew na kylleng ki wan ban ia siew ia pet.

Na ka liang jong ka Deputy Commissioner jong ka East Khasi Hills District ruh mynta ka sngi kala khot ia ka jingialang ia ki nongialam niam ban pan ia ka jingkyrshan jong ki ban wanrah ia ka jingshong suk hapoh kane ka nongbah Shillong.

Ka Deputy Commissioner ruh ba pynbna ba ia ka kophiew ha kane ka nongbah Shillong baroh kawei kan sdang ha ka por 9.00 baje mynmiet haduh 6 baje la shai mynstep.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet