Shillong, Nailar 29: Mynta ka sngi kiba trei shet ja sngi ha ki skul kiba don ha Jaintia Hills ha ka lama All Jaintia Hills Mid Day Workers Union mynta ka sngi kila wan sha Shillong ban pynlong ia ka jingiakhih ban dawa ba dei ban pynkiew no ia ka bai trei sngi na ka T.1000 tyngka sha ka T.5000 tyngka.
Haba kren sha ki dkhot ka seng AJHMDWU u nongai buid ka seng u bah Khroo Pariat la ong ba ka Deputy Commissioner jong ka East Khasi Hills kala iaid jingbit ban ia shong ha khmat ophis jong ka MBOSE bakin shong naduh ka por 9 baje mynstep haduh 5 baje jan miet.
Mynta ka sngi kila phah ia ka jingthoh sha u myntri rangbah ka jylla ban dawa ba ka sorkar ka dei ban pynkiew noh ia ka bai trei na ka T.1000 tyngka, la ong ba ki nongtrei ha ka jylla Meghalaya baroh ki don kumba 18000 ngut, la ong ba lada ka sorkar ka lah ban pynlut T.14 lur ha ka tamasa ka sorkar ka dei ban pynkiew ia ka bai trei jong ki.
U la ong ba ka sorkar ka juh ong bad pynsngewthuh sha ki khynnah skul ba dei ban pynneh ia ka mariang, katba ia ka ja la shet da u dieng ne rynga, ban ia da ia ka mariang ka sorkar kala dep ban ai noh da ka Gas ban shet ja ha ki skul ha ka jylla baroh kawei.
U nongai buid jong katei ka seng ki nongshet na Jaintia Hills u bah Khroo Parait la ong ba ka sorkar ka dei ban jubab ia ka jingdawa jong ki la kin ai ne em lada ka sorkar kam jubab kin bteng ia ka jingiakhih jong ki lada ki ioh ia ka jubab kin pynsangeh noh ia ka jingiakhih.
Ha kane ka sngi ki nongshet ja sngi kila ia tur sha secretariat hynrei na ka liang jong ka kibor ba dei peit ia ka District Administration kila pynkynriah noh ia ki sha MBOSE ophis ha kane ka sngi palat spah ngut kiba la wan ban ia shim bynta ha kane ka jingiakhih.
