Shillong, Lber 31: Ka seng JSU ka lah maham tyngeh ia u Gopal Dey bad iaka Committee jong u ba kim dei ban pynshit lane kynnoh kulmar iaki dkhot ka KSU kiba pyniap iaki ar ngut dakhar ha Ichamati .
U Gopal Dey um dei ban shu kynnoh kulmar bad ka seng ka lah ong ba ki bor pulit kidei ban pynngat bad shitom hapoh ka aiñ ia u kum kine ki briew kiba kynnoh khlem ki sabut satar ba biang.
Ka seng ka lah ong ruh ba lada jia ei ei ia ki dakhar shu shah kynnoh beit ki dkhot sengbhalang na ka por sha ka por bad ka seng ka lah ong ruh u Gopal Dey ba umdei ban shu kynnoh khlem ka sabut bad ka kynhun tohkit ki pulit ki la leh la ka kamram.
Ka seng ka lah dawa ruh na ka bor distrik bad na ka sorkar ba da leilei ymdei ban ai lad ban pynlong jingialang ki ne ki kynhun poi ei ka CWC namar kan nang pynshit iaki dkhot ka jaitbynriew bad kan nang wanrah shuh shuh ia ka jingsngew pher jaitbynriew.
Ka seng ka kylli ruh na ka sorkar jylla ba iaki dakhar thrang snam kiba dkhar bad pyniap iaka mynsiem ba lui lui jong u samla Lurshai Hynniewta ha Ichamati, hato lah ioh kem ne em iaki bad haei lah set iaki ? .
Ka JSU ka lah dawa na ka sorkar kadei ban sei madan iaka mukotduma bad ban pynpaw pyrthei ia kito ki dakhar kiba dkhat bad pyniap iaka jingim u samla jong ka Bri u HynñiewTrep, kane ka long katkum ka kyrwoh kaba la phah da u bah Jerson Shylla President JSU bd bah Treiborlang R Suchen General Secretary JSU seng kmie.
