Shillong, Lber 27: Ka jingia jied ia ka kam chairman hapoh jong ka KHADC kala long mynta ka sngi, ha kane ka jingiakhun ka kong Telinia Thangkhiew na ka seng HSPDP kum ha kynhun ARPA kala jop ia kane ka kam chairman hapoh jong ka KHADC.
Ha kane ka jingiathep vote, ka kong Telinia kala ioh 15 vote, u Bah Manstudy Nongrem jong ka Congress u la ioh 12 vote bad ar tylli ki vote kila sep ei namar kim shym la kdew shai kdar iano ki kwah ban jied.
Kumba ka long na ka liang jong ki MDC kiba don ha ka Congress ki leit sha u kyrtong jong ka seng Congress namar ki don 12 ngut bad ki nongkyrshan kane ka jingbakla ka dei na ka kynhun ARPA namar na ka 17 ngut ar tylli ki vote kila sep ei.
Ha ka jingkren ai khublei ka kong Telinia ka la ong ba kum ka Chairman jong ka iing dorbar kan bat ia ka burom bad kan leh ia ka kam jong ka khlem da don ka jingiashah liang bad ka la pynpaw ia ka jingsngewnguh ka jong ia ki dkhot kiba la jied ia ka ha katei ka shuki.
Na ka liang jong ki dkhot ka iing dorbar ha ka jingkren ai khublei ka jong ki la pynpaw ba ki don ka jingshaniah ia ka bad ki kyrmen ba kan pyniaid ia ka iing dorbar khlem da don kano kano ka jingiashah liang.(SP News)
