Shillong,Lber,17:Ka All Meghalaya Football Players Association ka la jied ia ki nong kit kam ba thymmai mynta u snem La jied ia u C Nongrum kum u president jong ka association,vice president P Warjri bad R Nongneng, secretary W Kharkrang, join secretary M Marbaniang bad M Khriam, treasurer F Kharpran.
Nalor ki tei ki nongkit kam la jied ruh saw ngut kum ki dkhot jong ka executive kita ki long u bah S Ryntathiang ,E Malngiang, RD Lyngdoh, bad M Shangpliang.
La pynlong ia ka Meghaalya foot ball association naduh u snem 2013,bad ki dkhot jong ka baroh ki don kumba laiphew haduh sawphew ngut ei ei,bad ia mynta hi ki nongkit kam baroh ki dei tang na Shillong.
Myn ha ki snem ba la dep ki nong kit kam jong ka meghalaya foot ball association ki kynthup kum na Nongstoin bad na Jowai hynrei ka shem jingeh ia ki ba kin wan beh man ka por haba don ka jing ia lang namar ba ki sah shajngai kumta na kine ki daw ki la sangeh noh.
Ban nang kham kiew bad pynkhie im biang ia ka association don kam ka jing ia snoh kti lang khamtam eh ba kan nang lah ban pyn kiew kham shajrong ia ki nong ia lehkai.
Ha u ne u snem ba la dep ka Meghalaya football association ka la pynlong ia tournament under 16, bad ia kine ki rangialeh kai la phah ruh ban leit iashim bynta sha ka nongbah Mumbai,kine ki rangialeh kai ki la ioh ban wan rah ia nam jingjop sha la ka jong ka jylla wat la ki dang long tang ki junior hynrei ki la lah ban wan rah ia ka burom.(SP news)
