Shah kyntait 163 tylli ki applikoshon kamhikai Asstt Teachers, ai por san sngi ba kin pynbiang

Shillong, Nohprah 06: Ka tnad pule puthi jong ka sorkar jylla kala pynmih iaki kyrteng jong ki samla kiba la buh aplikoshon na ka bynta ka kam hikai “Assistant Teacher” ha ki Lower Primary skul sorkar baroh kiba la shah kyntait ki long 163 tylli.

Ia kane ka jingpynbna ka tnad pule puthi kala pynmih ha ka 01st Nohprah 2020 mynta u bnai bad katkum katei ka jingpynbna na ka tnad pule ka long ba la ai por san sngi ia kito kiba la shah kyntait ia ki apliskoshon ban pynbiang ia ki jingdun da kaba phah sha ka “Special Appeal Committee” ha Directorate of School Education & Literacy, Meghalaya.

Ha kane ka jingpynbna ka tnad pule puthi jong ka sorkar kala ai ia ki daw ba balei la kyntait ia ki aplikoshon jong ki, kumba ka paw na ka jingpynbna, ki don kiba khlem suh lang ia ka syrnot ba kila don ha ka kam ban pynlait ia ka rta wat kam, ki don kiba dang pule ia ka D.El.ED, ki don kiba khlem suh lang ia ka syrnot D.El.ED ha ka aplishonshon, ki don kiba khlem suh lang ia ka syrnot B.Ed bad kiba khlem suh lang ia ka marksheet jong ka klass XII.

Katkum ki lat khubor kiba la lah ban ioh la ong ba don na pdeng kito kiba shah kyntait ia ki aplikoshon namar ka jingbuh por khyndait ka tnad pule puthi kim shym la ioh ban lei tai jubab la ong ba kan bha lada ka sorkar kan ai por shuh ba ki lah ban ioh ban pynbiang ia ki jingduna.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet