Shillong, Nohprah 07: U Muna Kumar Ray ba shong ba shah ha Bishop Cotton Road, Shillong u la leit ban u jor sha ki pulit ba ka kurim jong u kala shah shoh haduh ban da mynsaw tang na ka daw ba kam treh ban leit pynthep ia ka pisa rim jong ka Dhama Devi sha bank.
Ha kane ka jingujor sha ki pulit la ong ba ka Dhama kala wan sha jaka sah jong ki ha ka ar tarik mynta u bnai ha ka por mynstep ban kyrpad ia ka kurim jong u ba kan thep lem ka pisa ar lak tyngka ha ka account hynrei kala kyntait.
Ha dien ba la kyntait la kynnoh b aka Dhama kala sdang ban kren da ki ktien ki bym sngewtynnad ia ka kurim jong u, ha k alai tarik mynstep pat kila wan biang ryngkat bad u kurim jong ka u Ramanand Ray bad saw ngut ki khun kynthei jong ki saw ngut bad ktah kti ia ka kurim jong u haduh ban da mynsaw.La ong ba mynta kane ka kurim jong u kaba la shah ktah kti kala shah sumar hapoh Ganesh Das Hospital.
