Shillong, Naitung 25: Ki nongdie madan kiba dei ha ki bynta na Bimola point sha stand Sohra mynta ka sngi kila ktah kti ia ki nongtrei jong ka Enforcement jong ka Khasi Hills Autonomous District Council ha kaba por ba ki dang leit ban khynra ia ki nongdie madan ha katei ka thain.
Ha kane ka jingjia ki nongtrei jong ka KHADC kila mynsaw bad kumjuh ki nongthoh khubor kiba la leit ha kane ka por ban sakhi ia kane ka jingkhynra da ka bor jong ka KHADC ia ki nongdie Madan ha katei ka surok na Motphran sha Iew Mawlong.
U CEM jong ka KHADC haba kren ha u SP News Agency u la iathuh ba naka liang jong ka KHADC kan dangiai bteng ia kane ka jingbeh thong ia ki nongdie madan bad kan ia kren ruh bad ka sorkar ha kaba ia dei bad kane ka kam.
Haba ia dei bad ka jingshah ktah kti jong ki nongtrei ka KHADC na ka liang jong ka ophis kala dep ban ai ia ka jingujor sha ki pulit bad ki pulit ki dei ban kem mardor ia kine ki briew kiba don kti ha kane ka kam shoh briew.(SP News)
